Կոռուպցիայի հակազդման միջպետական խորհրդի որոշմամբ՝ հայտարարվել է «Միասին ընդդեմ կոռուպցիայի» թեմայով հակակոռուպցիոն գովազդի միջազգային երիտասարդական ամենամյա մրցույթ:

 Մրցույթին կարող են մասնակցել Հայաստանի, Բելառուսի, Ղազախստանի, Ղրղզստանի, Ռուսաստանի և Տաջիկստանի՝ 10-ից 25 տարեկան անձինք:

Մրցույթն անցկացվում է «Լավագույն պաստառ», «Լավագույն տեսահոլովակ», «Լավագույն լուսանկար» անվանակարգերում:

Հայտերն ընդունվում են մինչև 2024 թվականի հոկտեմբերի 1-ը:

Մրցույթի արդյունքները կամփոփվեն Կոռուպցիայի դեմ պայքարի միջազգային օրը՝ 2024 թվականի դեկտեմբերի 9-ին:

Աշխատանքներն ընդունվում են https://www.anticorruption.life պաշտոնական կայքում՝ մինչև 2024 թվականի հոկտեմբերի 1-ը:

Մրցույթի մասնակցության պայմաններին, աշխատանքների ձևաչափին, անցկացման, գնահատման և հաղթողների որոշման ընթացակարգին, հեղինակային իրավունքներին վերաբերող կարգավորումներին կարելի է ծանոթանալ https://www.anticorruption.life կայքում: