Հոկտեմբերի 10-ին տեղի ունեցավ Արդարադատության ակադեմիայի կառավարման խորհրդի նիստը: Օրակարգում ընդգրկված էր մեկ հարց՝ խորհրդի նախագահի ընտրության հարցը: Խորհրդի նախագահի պաշտոնում առաջադրվել է ՀՀ գլխավոր դատախազի տեղակալ Էմիլ Բաբայանի թեկնածությունը, ով գաղտնի քվեարկությամբ ընտրվել է միաձայն: «Արդարադատության ակադեմիայի մասին» ՀՀ օրենքով` Ակադեմիայի կառավարումն իրականացնում է Ակադեմիայի կառավարման խորհուրդը: Վերոնշյալ օրենքի 5-րդ հոդվածի համաձայն՝ խորհրդի նախագահն ընտրվում է խորհրդի կազմից, գաղտնի քվեարկությամբ: Խորհրդի նախագահն ընտրվել է մեկ տարի ժամկետով՝ դատախազ և դատավոր անդամների միջև ռոտացիոն սկզբունքով:

 

Արդարադատության ակադեմիայի կառավարման խորհրդի կազմը.

 

Էմիլ Բաբայան	ՀՀ գլխավոր դատախազի տեղակալ -  Խորհրդի նախագահ
Արսեն Մկրտչյան	ՀՀ արդարադատության նախարարի տեղակալ
Արթուր Դավթյան	Երևան քաղաքի դատախազ
Հակոբ Մարտիրոսյան	Արագածոտն մարզի դատախազ
Հովսեփ Բեդևյան	Վարչական վերաքննիչ դատարանի նախագահ
Երվանդ Խունդկարյան	Վճռաբեկ դատարանի քաղաքացիական և վարչական պալատի նախագահ
Համլետ Ասատրյան	Վճռաբեկ դատարանի քրեական պալատի դատավոր