Հիմք ընդունելով «Դատախազության մասին» օրենքի 38-րդ հոդվածի 1-ին մասը՝ ՀՀ դատախազությունը հայտարարում է ՀՀ գլխավոր դատախազին առընթեր հատուկ հանձնարարություններով վարչության կիբեռհանցագործությունների գործերով մասնագիտացած դատախազների պաշտոնները (այսուհետ՝ կիբեռհանցագործությունների գործերով մասնագիտացած դատախազների) համալրելու նպատակով անցկացվող բաց մրցույթի մասին:

Հաշվի առնելով այն հանգամանքը, որ կիբեռհանցագործությունների գործերով մասնագիտացված դատախազների պաշտոնները ընդգրկված են «Դատախազության մասին» ՀՀ օրենքի (այսուհետ՝ Օրենք) 37-րդ հոդվածի 1-ին մասի 5-րդ և 6-րդ խմբերում, ինչպես նաև այն, որ կիբեռհանցագործությունների գործերով դատախազական գործառույթների իրականացումը պահանջում է նեղ մասնագիտական փորձառության առկայություն՝ մրցույթին կարող են մասնակցել Օրենքի 33-րդ և 34-րդ հոդվածներով նախատեսված պահանջները բավարարող և կիբեռհանցագործությունների գործերով վերջին հինգ տարվա ընթացքում նվազագույնը երկու տարվա դատախազի կամ քննիչի մասնագիտական ստաժ ունեցող անձը:

Կիբեռհանցագործությունների գործերով մասնագիտացած դատախազի պաշտոնին նշանակվելուն հավակնող անձանցից պահանջվող՝ հմտությունների ու կոմպետենցիաների ցանկին կարող եք ծանոթանալ հետևյալ հղմամբ:

Մրցույթին մասնակցել ցանկացող և հայտարարությամբ սահմանված պահանջները բավարարող ՀՀ քաղաքացիները պետք է անձամբ ՀՀ գլխավոր դատախազության վարչական շենք (հասցե՝ ք. Երևան, Վազգեն Սարգսյան  ներկայացնեն հետևյալ փաստաթղթերը՝

ա) դիմում՝ ուղղված ՀՀ գլխավոր դատախազին առընթեր որակավորման հանձնաժողովի նախագահին (ձևը լրացվում է տեղում)․

բ) անձնագիր կամ նույնականացման քարտ՝ պատճենով (եթե անձը նույնականացման քարտ չի ներկայացնում, ապա անհրաժեշտ է ներկայացնել հանրային ծառայության համարանիշ կամ անձին հանրային ծառայության համարանիշ տրամադրելու մասին տեղեկանք կամ հանրային ծառայության համարանիշի տրամադրումից հրաժարվելու մասին տեղեկանք՝ պատճենով)․

գ) բարձրագույն իրավաբանական կրթությունը հավաստող փաստաթուղթ (օտարերկրյա պետությունում բարձրագույն կրթություն ստացածների համար՝ փաստաթուղթ նրանց կրթության որակավորման աստիճանների համարժեքության և դիպլոմների ճանաչելիության մասին, ինչպես նաև՝ օտարալեզու փաստաթղթի նոտարական կարգով հաստատված թարգմանությունը)՝ պատճենով․

դ) հավակնորդի կենսագրական տվյալները պարունակող քարտ՝ իր կողմից իրավաբանի կոչում ձեռք բերելուց հետո իրականացված մասնագիտական իրավաբանական գործունեության նկարագրությամբ՝ կցելով համապատասխան ապացույցներ (այդ թվում՝ պաշտոնի անձնագիր կամ այլ փաստաթղթեր, որոնք հավաստում են մասնագիտական իրավաբանական ստաժ դիտարկվող աշխատանքում աշխատանքային պարտականությունները) (տե՛ս՝ Ծանոթություն 1).

ե) ինքնակենսագրություն.

զ) արական սեռի հավակնորդի համար՝ նախատեսված կարգով պարտադիր զինվորական ծառայություն անցած լինելու կամ օրենքով նախատեսված կարգով պարտադիր զինվորական ծառայությունից ազատված լինելը կամ տարկետում ունենալը հավաստող փաստաթուղթ` պատճենով․

է) դատախազի պաշտոնում նշանակմանը խոչընդոտող ֆիզիկական արատների և հիվանդությունների բացակայության մասին ՀՀ կառավարության սահմանած կարգով տրված փաստաթուղթ (տե՛ս՝ Ծանոթություն 2)․

ը) իրավաբանական գիտությունների թեկնածուի կամ դոկտորի գիտական աստիճանի առկայությունը հավաստող փաստաթուղթ (եթե հավակնորդը իրավաբանական գիտությունների թեկնածու կամ դոկտոր է), իսկ «Դատախազության մասին» օրենքի 38-րդ հոդվածի 7-րդ մասով սահմանված դեպքում` նաև գիտական գործունեության առնվազն չորս տարվա ստաժի առկայությունը հավաստող փաստաթուղթ՝ պատճենով․

թ) տեղեկանք ՀՀ ոստիկանության անձնագրային և վիզաների վարչությունից՝ միայն ՀՀ քաղաքացի հանդիսանալու վերաբերյալ․

ժ) տեղեկանք ՀՀ դատական դեպարտամենտից` դատական կարգով անգործունակ կամ սահմանափակ գործունակ ճանաչված չլինելու վերաբերյալ.

ժա) մեկ լուսանկար՝ 3^X4 չափսի․

ժբ) հավակնորդը կարող է ներկայացնել երաշխավորագրեր, որոնք իր կարծիքով կարող են նշանակություն ունենալ ընտրության գործընթացում․

ժգ) «Կոռուպցիայի կանխարգելման հանձնաժողովի մասին» օրենքով նախատեսված բարեվարքության վերաբերյալ լրացված հարցաթերթիկ: Հարցաթերթիկը լրացնելու համար անհրաժեշտ է մուտք գործել հղումով, իսկ հարցաթերթիկը լրացնելու կարգին կարող եք ծանոթանալ հետևյալ հղումով, և հետևելով հարցաթերթիկի էլեկտրոնային լրացման ցուցումներին, լրացնել այն և տպված ու ամեն էջը ստորագրված տարբերակով ներկայացնել ՀՀ գլխավոր դատախազություն, իսկ դրա էլեկտրոնային ֆայլն ուղարկել integrity@cpcarmenia.am  էլեկտրոնային փոստին: Հարցաթերթիկը լրացնելու հետ կապված հարցեր առաջանալու դեպքում կարող եք զանգել Կոռուպցիայի կանխարգելման հանձնաժողով 012-77-77-28 հեռախոսահամարով:

Մրցույթին մասնակցելու համար դիմումներն ընդունվում են 2025թ. հոկտեմբերի 13-ից մինչև հոկտեմբերի 24-ը ներառյալ՝ աշխատանքային օրերին, ժամը՝ 09:30-ից 12:30-ը և 14:30-ից 17:00-ն: 

Մրցույթն անցկացվելու է 2025 թվականի նոյեմբերի 24-ից հետո ՀՀ գլխավոր դատախազության վարչական շենքում (հասցե՝ ք. Երևան, Վազգեն Սարգսյան 5):

Մրցույթի նախապատրաստական աշխատանքներն իրականացնում է ՀՀ դատախազության անձնակազմի կառավարման վարչությունը (ք. Երևան, Վազգեն Սարգսյան 5, հեռ.՝ 010-511-538, էլեկտրոնային փոստի հասցե՝ i.manukyan@prosecutor.am):

Կիբեռհանցագործությունների գործերով մասնագիտացած դատախազների պաշտոնները համալրելու նպատակով անցկացվող բաց մրցույթի անցկացման կարգը (այդ թվում՝ հարցաշարը) հասանելի է ՀՀ դատախազության պաշտոնական ինտերնետային կայքում հետևյալ հղումով։