ՀՀ գլխավոր դատախազությունը 1999թ. հունվարի 1-ից հանդիսանում է աշխարհում առաջին ոչ կառավարական և ոչ քաղաքական կազմակերպության՝ Դատախազների միջազգային ասոցիացիայի կազմակերպական անդամ:

Ասոցիացիայի առաքելությունն ու նպատակներն են՝

• Մարդու իրավունքների պաշտպանություն. Օրենքի գերակայության ապահովում և արդարության խթանում:
• Միասնական չափանիշներ. Քրեական հետապնդման համընդհանուր ստանդարտների կիրառում:
• Արդար քննություն. Քրեական գործերի օբյեկտիվ, անկողմնակալ և արդյունավետ քննության երաշխավորում:
• Արդյունավետ պայքար. Հանցավորության դեմ պայքարի ուժեղացում՝ դատախազներին տեղեկատվական աջակցություն տրամադրելու միջոցով:

ԴՄԱ-ն իր առաքելությունն իրականացնում է հետևյալ ձևաչափերով, որոնց ՀՀ գլխավոր դատախազությունը ցուցաբերում է ակտիվ մասնակցություն.

• Արդիական հարցերի շուրջ ամենամյա և տարածաշրջանային կոնֆերանսների կազմակերպում:
• Բազմաթիվ մասնագիտական ծրագրերի անցկացում:
• ԴՄԱ-ի ամսագրերի և ամենամյա զեկույցների հրատարակում և տրամադրում անդամներին: